父親節快樂｜關曜儁被3個月大囡囡笑容「融化」 望與老婆努力追龍B陪愛女成長

29歲的藝人關曜儁（Leo）在3月榮升爸爸，今日迎來他以爸爸身分度過的首個父親節。Leo囡囡關凱妃（Lorraine）出世三個月，Leo指囡囡非常好腳頭，為家裡帶來不少歡樂之餘，亦帶挈他有不少工作！

同場加映：黃光亮視黃霑為榜樣夜店下跪拜師 人生閱歷豐富 半退休學笑看風雲

{{hket:ul-video id="8483"}}{{/hket:ul-video}}

Leo指自己因工作關係，早出晚歸，因此只能在早上及凌晨幫手照顧Lorraine，其他時間就辛苦太太照顧。他形容Lorraine像是一個「鬧鐘」：「每朝早佢六、七點就會喊，叫醒我哋，之後就會笑住同我哋打招呼，我就會幫手餵奶。而夜晚返到去，我都會幫手餵奶同幫BB按摩，對佢發育都好啲。不過媽媽就忙啲，全日都要照顧，佢生完情緒都有啲波動，不過好快平穩番。」

{{hket:inline-image name="09790.jpeg"}}{{/hket:inline-image}}

問到這三個月，Leo與囡囡相處最難忘的事是甚麼？他說：「難忘佢第一次爬起身，到兩個月大時，畀佢試下趴喺度、練下抬頭，發現佢都抬起到頭。仲有次見佢『呀呀』咁嗌，之後我哋又『呀』，佢又跟住『呀』，佢將來應該都係好鍾意講嘢！」

{{hket:inline-image name="897.jpeg"}}{{/hket:inline-image}}

Leo又笑言囡囡好鍾意笑同瞓，是家中的開心果：「同佢一齊真係好開心。絕對會被佢嘅笑容融化，以前做爸爸感覺唔係好實在，到之後每日返到屋企，見到佢嘅笑容，辛苦同苦惱都忘記晒！」

{{hket:inline-image name="87.jpeg"}}{{/hket:inline-image}}

Lorraine的到來除了為Leo兩公婆帶來歡樂外，亦令這對新手爸媽心態有了轉變，「會諗多咗囡囡，自己有嘢都唔捨得買，寧願留錢畀囡囡。又開始諗想點培育佢同埋諗點增值自己！」Leo又笑言自己與老婆會努力追龍B，到時就可以陪Lorraine成長。

憑《下流上車族》人氣急升｜29歲關曜儁宣布囡囡出世榮升人父 新手爸爸手抱BB女難掩喜悅【下一頁】

圖片來源：受訪者提供、IG圖片